புலால்

புலாஅல் புசித்தாய் புறம்படல் உடைத்தே

செலாது வந்த கேடது கழிய

உலாவு நீரின் தலைத்தாள் நனைக்க

நிலாது செல்லென உரைத்தனை! செய்தும்

விலாவின் ஊடே பாய்ந்த ஊன்தனில்

அளாவி ஆங்கே கலந்த

புலாலும் உண்டே யானென் செய்வேன்!

(பாவகை: நேரிசை ஆசிரியப்பா)

புலால் உண்டதால் உள்ளே வரற்கியலாது, தலையோடு நீராடி வா எனச் சொன்னாய். நீராடி வந்தபின்னும், என் தசைகளில் நானுண்ட புலால் கலந்துள்ளதே! அதை நான் என்ன செய்வேன்?